Acrostic Writing Contest Entries: SAVE LITERATURE

"Isang Balsa"

Sa panahong marami na ang naikukubli

At ang nahahanap ay ilusyong hindi sumasalamin

Viaje sin sentido, ang lahat ay tila na lamang palipasan 

Endosar Valores! Naghihintay ang bulong ng iilan!

Liwanag ay dumidilim sa dagat na malalim

Isang balsa ang dumaong na may iisang hangarin

Tumatak na diwa ng pluma ay layong baguhin

Estado ng lohika ay unti-unting palawakin

Rebolusyon ang layon sa paraang tahimik,

Ang bundok na matayog ay hindi naman matarik.

Totoo mang malayo ay pilit makakabalik

Upang itong karamihan, makaunawa, masagip

Rekonstruksyon sa estilo at balanse sa mga salita

At babalik ang tunay na sigla ng presensyang nawala.

-Peter Miranda 

---

EDUKASYON SA LITERATURA, NA SAAN NA NGA BA?

Sa panahong teknolohiya ay laganap,

Ang pagsusulat ay wala ng hirap,

Very easy na ang pag lilimbag,

Ewan ko ba, ano bang naganap?

Literatura dati ay nasaan na?

Isiping mabuti kung saan napunta.

Tila limot na ang tunay na halaga,

Edukasyong siyang dahilan ng paglatha.

Ramdam na sa ngayon ang pagkawala,

Ang pagkalimot sa mga akda.

Tara na at wika ay pasiglahin na,

Upang literatura ay pagyamanin pa!

Reyalidad ay ating makikita,

Edukasyon sa literatura, ating makukuha.

-Vea Candy Velasco Verzosa 

----

Munting Habilin

S-a iyong pag-gising

A-king habilin nawa'y

G-intong ituring.

I-ka'y makararanas

P-ulupot at tuklaw ng ahas,

I-yong pagtitiwala'y kahangalan,

N-ahuhulog ka ng 'di namamalayan.

A-nak ko, mamulat ka

N-asa ng tao'y apakan ka,

G-anid at inggit tanging ndarama nila.

L-uha mo'y pigilan

I-tago iyong kasawian

T-anggapin ang katotohanan.

E-ba ay huwag pamarisan,

R-ahas ng alon iyong mararanasan,

A-has, saan mang dako ay nariyan

T-umutuklaw maging ng kaibigan,

U-usigin ka at sasaktan, halika

R-ito sa aking kanlungan

A-kin kang iingatan.

-Jennipots Gabrino Potot 

--

NASAAN

Saan na napunta, tikas ng 'yong katha?

Ang sabi ni Jose ikaw ang pag-asa,

Verbo ni Tasyo ikaw ang makaka-unawa,

Eh hindi ko nga alam, kilala mo ba sila?

Lualhati Bautista, Bob Ong, Balagtas

Ilang likha na nila ang nabasa mo na?

Tatanungin kita ngayon Jose,

Estado ng literatura, may pag-asa pa ba?

Ramdam ko ang panghihinayang,

Ang talento na isinalin sa kabataan,

Tila hindi nagagamit sa kahustuhan.

Umaasa padin ako, na kayo nga ang pag-asa 

Responsibilidad nyo ngayon na ang literatura ay isalba

Eto na ang inyong pagkakataon na buwagin ang bulok na sistema

-Eugene K Mendiola 

-----

Rugby

Mata mo laging mapungay

Asta laging lantang gulay

Rurok ng tagumpay ang naabot

Ciudad ng Maynila kanyang inikot

Elemento ng tama niya sa droga

Lulong masyado sa sipa, nakatayo-

Ornamento ni Rizal sa kanyang tapat

Sumisilaw ang ilaw ng jeepney

Ang kanyang nakikita'y kinukumpuni

Ng mga gawa-gawang konsepto,

Tindig ng kanyang mga kwento,

Oras nasa ibang dimensyon,

Swak na swak ang kanyang Ilusyon

Ilusyong lumiliwanag,

Ilusyong hindi nagpapatinag

Ilusyong "Rugby" ang tawag

-Juan Miguel Estocio

----

Fush Mo ’Yan, Teh!

Sige pa, sige pa, type lang ng type!

Ang mga maling pagbaybay ay isa na ngayong hype!

Verdugo-Bertigo! Facking tape at Fush!

English man o Filipino, sobra nang na-a-abuse!

Limot na sina Sicat, Matute at maski si Rizal,

Inunti-unti sila ng mga manunulat na bangag at hangal!

Tiniris ang kanilang naiambag gamit ang kasikatan at pera,

Engganyong-engganyo ang mga kabataang tanga!

Rikit ng kathang siksik at liglig sa romansa

Anong nangyari? Napalitan ng libog at pagnanasa?

Tanglaw ng akdang umaapaw sa aral ng buhay,

Uhaw ngayon sa damdamin at wala nang kulay!

Raket ng iilan huwag sanang pamarisan!

Entrada, sagipin ang literatura, sama-sama natin silang labanan!

-Erin Villanueva Ragudo

------------

SAVE LITERATURE

Sila'y nagsusulat para makilala ng madla

Ang mga gawa ko'y siguradong hindi mababasa.

Valid pa ba ang library ID mo?

Aba eh halika, magbasa tayo.

Lagi na lang tungkol sa pag-ibig ang mga libro ngayon,

Iwasan ko man ay, ito ang laman ng mga tindahan ngayon.

Teka teka teka, mayroon pa yatang pag-asa.

Eh paano 'yan? Walang paki-alam ang masa.

Responsibilidad nating mag-aral ng mabuti.

Aralin ang nararapat- huwag basahin ang mali

Tugma sa tulang iyong proyekto ay 'di magawa.

Uunahin mo pa iyang librong walang ka-kwenta-kwenta.

'Romance Comedy' siguro ang kategorya ng libro iyong binabasa.

Eh ang bibliya? Nabasa mo na ba?

-Bianca A. Barrozo 

--------

Subalit 

Sagipin ang literatura gamit ang iyong akda 

Akdang mapupulutan ng aral sa isip, sa puso't sa gawa 

Gawa na tapat kaya nararapat lang isulat 

Isulat ng buong puso sa papel dahil maypakialam 

Pakialam sa mundong ginagalawan kaya dapat ipaalam 

Ipaalam ang adhikain sa pahinang puno ng kaalaman 

Nalamang mga bagay nasa libro'y inilalarawan at isinabuhay. 

Aba'y bakit? Ngayo'y mga manunulat sinisira't tinatapakan 

Natapakan na nga'y nilugmok pa, bakit 'di gabayan? 

Gabayan sa pagsulat ng panitikan at 'wag ilubog. 

Lubog nasa kamalian bakit ang tulong ay ipinagkait 

Ipinagkait ba para may pupunahin pa rin at tatanawin? 

Tanawin ang panitikang Pilipino noon, modernisasyo'y ito bang epekto? 

Epekto ng bagay na madali na lang kaya wala ng rasyonal na tao? 

Rasyonal bang maituturing silang umaaktong henyo sa akala 

Akala dahil nagmamagaling lang naman sila hanggang sa katapusan. 

Tapos na ang noon, literatura ngayo'y tulungan para umaasenso 

Umaasenso nga tayo sa teknolohiya ngunit sa panitikan bakit ganito ang resulta? 

Resulta ba ng manunulat na walang alam o ng may alam ngunit walang pakialam? 

Ah, alam ko'y literatura ang nais sagipin ngunit... subalit...

-LM Santos

-----

 HOMONUNULAT

Silid-aklatang

Alikabok ang parokyano.

Verso ng kabataa'y

Esterong mabaho.

Limbag ng awtor na

Iskribyente ng alembong,

Talamaliang

Eklipse sa pusong mamon.

Ribolber ng pagkatuto,

Atin nang kalabitin.

Talamak na ang ulayawang

Ubod sa sagimsim.

Rindi na kami sa pandidiri.

Ebolusyon ng titik... tumabingi.

-Rivas Chavez

---

SUMON SA PAKIKIDIGMA-

•

Sanduguan sa isang adhika ay nailunsad nitong tadhana

Awtor ang mga makata na siyang magpapamulat sa'ting masa

Vamos,amigo! sumama ka't humayo tungong pakikidigma,

Espada nga nati'y ang panulat,laban sa mga magbabanta!

•

Layon ng angkan, imik mo ngayon ay iyong gawing ingay;

Isalba natin itong mundo na dati'y hitik sa sining at kulay.

Talastasin mong ikaw'y masusubok, anopa't balang araw nga'y tatayog. 

Estranghero't di batikan o tampok,

anopa't sumama nawa sa indayog. 

Riles ng pagkamakabayan siyang sayo'y patas na gagabay.

Aranya natin ay ang katuwiran ,upang matiyak ang tagumpay. 

Tayo na sa galawang ito, na ang katotohanan ang itinatanyag,

Unatin yaong pagkatao't ngayon mismo tayo maglalayag. 

Rumaragsa man ngayon, mga kaaway na lapastangan sa literatura,

Espada nga nati'y ang ating mga panulat,laban sa mga magbabanta!

-Er'm Ch'll 

----

Sumampa ka na,

At maglayag sakay sa,

Vinta,

Eneengganyo ka magbasa ng mga susunod na litanya,

Lingwistikal na mga ideya,

Inipon,hinabi't pinagkaisa,

Tatangayin ka sa mundong kakaiba,

Ebolusyon sa mga makabagong pahina,

Retorika,

Ang masining na paggamit ng wika,

Tumatakas sa mababang pamantayan sa lupa,

Umaangkas sa paglipad ng kaisipang malaya,

Rosaryo,para sa mga nananampalataya,

Ebidensiya ang literatura ng tunay na paglikha.

-Governor Ralph John Rafael 

---

Do not Read

Salbahin ang literatura

Asintahin ang manunulat

Vision ay palawakin

Ehemplong mabuti ay ilathala

Likumin ang mabuting ideya

Ilathala para sa kabataan

Tumalakay ng makabuluhang paksa

Edukadong manunulat kailangan ng bayan

Rurok ng tagumpay, ating malalasap

Aabutin ang asul na alapaap

Tinta ang nananalaytay sa aking ugat

Utak ang gamitin sa pagsulat

Reaksyon ng mambabasa ay mahalaga

Etiko sa pagsulat ay huwag ipagsabahala

Levi Val Umipig Modelo 

----------

DAMHIN AT MAHALIN MO ULIT

Sabi ng karamihan ika'y nalimutan na

Ang pagbabasa ng ganito ay pang- akademya na lamang

Versus sa naglipanang babasahin

E para sa kanila mas may laman daw sila

Laganap man sa iba't ibang social media

Ipagkumpara may hindi matatawaran 

Tulad ng magagaling ng manlilikha 

Edgardo,F.Sionil,Ka Amado, Jose Corazon de Jesus, Balagtas, Rio Alma sila ang aking nakamulatan

Rogelio Sicat, Joy Barrios, Matute, Mabanglo aking hinahangaan

Ang mga bagong binhi ay pinagpapatuloy ang pagyayaman sa Panitikan

Tulad ng iilan makabagong Balagtas; Corosa, Jarin, Gojo Cruz,Atalia sila' y aking sinusundan dapat parisan

Upang ang bagong henerasyon ay muling yakapin nakagisnan na Panitikan

Request ko lamang sa' yo kaibigan, wag kang stick to one sa genre.

E- book man tayo ngayon sa 21st tandaan mas masarap,humawak, magbasa ng totoo at makabuluhang kwento na hindi mawawala ngayon hanggang magpakailanman.

-Maria Paula Orolfo Damasco 

-------

Kapag gumanti ang tunay na manunulat

Sandamakmak na raw ang iyong akda

Ang dami-dami mo rin daw tula

Verbatim ka pa kung kumopya ng salita

Eh sa mata ng makabuluhang panitikan, sino ka?

Landi - laklak - libog - lumobong-tiyan - laglag - laslas

Incestous love, "rich boy meets poor girl"

formula ng mainstream telenovela, ginamit mo na

Teenager na lust-driven, hipster na manyak,

Elististang gangster, love triangle, atbp.

alipin ka na rin ng konsumeristang siklo ng bansa

kaya...

Ragsa ng galit ay dama

Ang daming manunulat na matiyagang:

Tumitipa ng mga piyesang ikalalaya ng masa

Umaakda ng mga tulang sumasagasa sa sistema

Ramdam mo na ba ang tumitinding galit nila?

muling uulit ang tanong...

Eh sa mata ng makabuluhang panitikan, sino ka!

-Jah Rosales

---------

Rebulusyong Panliteratura

Sabi nila, malahalaga ang literatura,

Ano baga ang aking nakikita!!

Vernaculo na panunulat, kanyang sinira na,

Ewan ko kung bakit may nakikisimpatiya!!

Literatura sa bansa, ngayo'y nasisira na,

Isang tao lamang ang sinisisi ng madla;

Talaga namang tampulan ng galit at inis,

Engrande man ang mga tagahanga, hindi ako kabilang,

Rumaragasang tunay, yaring mga demonstrador,

Ang akin lamang ipinagtataka, anong nangyayari?

Tama ba ang aking nakikita?

Umuusad na ang kilusan,

Ragasa kung ituring, aking napansin,

Elegante pala ang nagagawa ng paglaban para sa literatura.

-Rory Ycong